എന്നുമുതലാണ് ഞാന്‍ നിന്നെ സ്നേഹിച്ചുതുടങ്ങിയത്?
നീ എന്റെ ഹൃദയത്തിന്റെ കാവലാളായത്?
അറിയില്ല.
അല്ല ഓര്‍മ്മയില്ല.
പക്ഷേ,
അന്നുമുതല്‍,
ആ നിമിഷം മുതല്‍,
എന്റെ മോഹങ്ങളുടെ,
സ്വപ്നങ്ങളുടെ താഴ്വാരം
നിറഞ്ഞു നില്‍ക്കുന്ന പൂക്കളാല്‍സമ്പന്നമാണെന്നറിയാം.
നിന്റെ പ്രണയമാകുന്ന പൂക്കളാല്‍ സമ്പന്നം.
നിന്റെ കരുതലാകുന്ന വേലി
അതിനെ എന്നും സംരക്ഷിച്ചിരുന്നു.
പകരമായി.....
ആ താഴ്വാരത്തെ പൂക്കളുടെ ഭംഗിയും,
സുഗന്ധവും,
അതിലെ നറും തേനും
ഞാന്‍ നിനക്കായ് കരുതി.